Kryesore

Rikthehet Babalja, opozita kallëzon Ramën në Prokurori

14:30 - 11.07.18 Gazeta Shqiptare

Kryetarët e Grupeve parlamentare të PD dhe LSI kanë kallëzuar në prokurorinë e Krimeve të rënda kryeministrin Edi Rama.



Ky kallëzim vjen pasi sipas Kryetarit të Grupit Parlamentar të PD, Edmond Spaho, kryeministri ka penguar zbulimin e të vërtetës për audio-përgjimin e vëllait të Ministrit, Fatmir Xhafaj.

Spaho kërkoi që Edi Rama të dorëzonte provën që kishte në lidhje me audio-përgjimin, duke iu referuar deklaratës së bërë nga shefi i qeverisë se një laborator në një vend mik të Shqipërisë e kishte nxjerrë atë jo të vërtetë.

“Ne kërkojmë hetim penal ndaj kryeministrit Edi Rama, për fshehje të së vërtetës. Kryeministri manipuloi opinionin publik, duke thënë se disponon përgjigjen e laboratorit ëpr audiopërgjigjen, por deri më sot rezulton se nuk ka një dokument të tillë”, deklaroi Edmond Spaho në dalje nga Prokuroria.

Albert Veliu, apo i njohur ndryshe si “Dëshmitari X” dhe “Babalja”, garantoi se zëri në regjistrimin e publikuar nga PD, është i Agron Xhafajt.

Dëshmitari Veliu tha në videon e publikuar në sallën e konferencave të PD-së, kohë më parë se dikur ishte shoqërues gomonesh, ndërsa Agron Xhafaj në Itali sillte droga, që i shiste ai me shokë. Ai tha se në 2005 u burgos 7 vjet për 12 kg kokainë.

Kur doli nga burgu në gjendje të rëndë ekonomike, Alberti i kërkoi Agronit të çonin hashash në Itali dhe ai e dërgoi tek persona të tjerë.

Ai e kërkoi rrugën e trafikut, por nuk e kreu dërgesën por i hyri kësaj vetëm për të demaskuar se cili është Agron Xhafaj, i cili sipas tij komandon Vlorën.

Shfaq Komentet (3)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *