Në vijim të hetimeve në lidhje me grupin kriminal të 6013 kg kokainë në Durrës, Task Forca Speciale bëri sekuestrimin e llogarive bankare në emër dhe për llogari të subjekteve “Arbri Garden” shpk dhe “Ecoalmax” shpk.
Vlera totale e sekuestruar është rreth 38 mijë dollarë dhe mbi 10 milion lekë (të reja), që dyshohen si të përfituara nga aktiviteti kriminal i shtetasve të ndaluar nga Policia.
Departamenti i Policisë Kriminale, në bashkëpunim me Prokurorinë e Krimeve të Rënda në kuadër të operacionit “Forca e Ligjit”, po vijon hetimet për këtë grup të dyshuar që operonte në fushën e trafikimit të drogave të forta.
Ndërkohë, hetimet po vijojnë dhe për zbulimin e personave të tjerë të cilët dyshohen si bashkëpunëtorë në trafikimin e sasi së madhe të kokainës të kapur vetëm pak muaj më parë ne Portin e Durrësit.
