Plot 19 vjet i zgjati arratia, por tani duhet ta paguajë për krimin që ka bërë. Ishin italianët ata që pikasën 42-vjeçarin Ylli (Fatmir) Vangjelaj, i cili më pas u vu në pranga të policisë në operacionin e koduar “Fundi i arratisë”.
Ai është dënuar me 23 vjet burg, për vrasjen e një vajze nga Ekuadori në Itali (dyshohej prostitutë). Krimi ka ndodhur në vitin 1999, si porosi e një grupi kriminal.
Erjon Sejdiraj, Robert Ziu dhe Ylli (Fatmir) Vangjelaj pasi e kanë grabitur, kanë përdhunuar e më pas vrarë ekuadorianen Betty Yadira Ponce Ramirez. Më pas ajo u varros nga shqiptarët në lumin Po.
Policia thotë se prej 10 vitesh ai përdorte gjeneralitete të rreme. Gjatë arrestimit iu sekuestruan:
– një automjet i markës “Wolksvagen Passat”.
– një leje drejtimi e cila dyshohet e fallsifikuar pasi përmbante gjeneralitetet e të vëllait të personit të kërkuar
– dy telefona celular
