Kupa e Botës për Argjentinën nuk ka qenë ajo që ndoshta ata kishin menduar. Marrëdhëniet midis stafit teknik të kryesuar nga Sampaoli dhe lojtarëve nuk ka qenë e mirë dhe këtë e dimë të gjithë.
Këtë gjë e pasqyron dhe gazetari argjentinas Ariel Senosiain në librin e tij “Bota është histori”, i cili ka zbuluar një debat të ashpër mes futbollistëve dhe trajnerit Sampaoli, shkruan “Marca”. Situata ishte e tensionuar sa që u desh që lojtarët të kërkonin një mbledhje urgjente me trajnerin dhe asistentët e tij.
Qëllimi i mbledhjes ishte për ti bërë të qartë Sampaolit se futbollistët nuk kishin më besim tek ai.
“Ne nuk e kuptojmë se çfarë thua, nuk besojmë më tek ty dhe duam të kemi një mendim tuajin për këtë gjendje”, ishin fjalët e futbollistëve drejtuar teknikut të Argjentinës.
Ndërsa gazetari shton se Messi i është drejtuar trajnerit duke i thënë: “Më pyete 10 herë se cilin futbollist dëshiroja unë që të aktivizohej dhe se cilët lojtarë nuk doja. Dhe unë nuk të përmenda kurrë asnjë emër. Më thuaj para të gjithëve, a të përmenda ty ndonjë emër?”.
Të jetë e vërtetë ose jo, dështimi i Argjentinës në këtë Kupë Bote na lë të kuptojmë se diçka brenda grupit nuk ka funksionuar.
