Kryesore

“Kampet e emigranteve nuk kanë lidhje me negociatat”, Ministri gjerman: Mos rrezikoni rrugën drejt BE

19:34 - 22.07.18 Gazeta Shqiptare
GSH APP Download on Apple Store Get it on Google Play

Ministri i Shtetit për Evropën në Ministrinë e Jashtme Federale gjermane, Michael Roth në një konferencë të përbashkt me ministin e Jashtëm Ditmir Bushati, i ka bërë një apel politikë shqiptare që të marrin përgjegjësitë dhe mos rrezikojne anëtarësimin ne BE.




Gjithashtu, ai ka sqaruar qëndrimin e qeverisë gjermane në lidhje me çështjen e emigrantëve apo ngritjen e kampeve pritëse në Shqipëri. Roth tha se kjo çështje nuk ka lidhje me integrimin e Shqipërisë në BE dhe nuk ka asnjë kusht të kësaj natyre.

“Kam ardhur të përgëzoj Shqipërinë për sukseset e saj. Shqipëria është në një rrugë të mirë drejt BE.

Shqipëria ka marrë prej KE një rekomandim pozitiv për nisjen e bisedimeve të anëtarësimit. Nëse cdo gjë do të ecë në këtë mënyrë kjo do të bëhet realitet. Jam i bindur se Shqipëria do të vazhdojë rrugën e vet të reformave.

Këtu bëhet fjalë për krijmin dhe ndërtimin e një shteti ligjor, krijimin e një drejtësie të pavarur dhe luftën kundër krimit dhe korrupsionit.

Me procesin e vettingut Shqipëria ka nisur të ecë në një rrugë që nuk ka të dytë në rajon dhe deri tani Shqipëria ka treguar se ky proces ka qenë i suksesshëm.

Fakti që deri tani 14 gjykatës dhe prokurorë janë shkëputur nga sistemi, njerëzit e kanë kuptuar që qeveria është serioze.

Këto reforma duhet të ndiqni në mënyrë të vendosura. Do të duhet të jeni të vendosur në rrugën e reformave

Një sistem gjyqësor që nuk funksionon do të ndikonte në fushat e tjera të jetës.

Ky proces kaq i vështirë por i rëndësishëm kërkon një masë të vetëdijes nga ana e qeverisë, por po kaq e madhe masa e vetëdijes duhet të jetë edhe nga ana e opozitës.

Unë i drejtoj një apel politikanve përgjegjës që të marrin përgjegjesitë e tyre që mos rrezikojnë rrugën drejt BE.

Nuk ka asnjë kusht që ne i kemi vendosur Shqipërisë për mbylljen e kufijve sa i përket emigrantëve apo për hapjen e kampeve të pritjes. Nuk ka lidhje të drejtpërdrejtë të kësaj problematike me çështjëen e integrimit. Ne jemi të interesaur të gjitha palët që të gjejmë zgjidhje të pëbashkët për emigrantët”,- tha Michael Roth.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.