Kampionati spanjoll mbetet ende i pandryshuar dhe Federata Spanjolle e Futbollit duket më se e lumtur me organizimin e saj në La Liga.
Gjithsesi, për FSF ka pasur probleme, ndoshta jo në kampionat, por në Kupën e Mbretit. Sistemi i ndeshjeve me vajtje-ardhje është kritikuar shpeshherë, pasi janë ndeshje plus të skuadrave, që edhe pa Kupën kanë një sezon shumë të gjatë.
Si pasojë, sezoni i ri do të luhet vetëm me një ndeshje. Risia e dytë është ajo e finales së SuperKupës, që do të luhet midis kampionëve të La Liga, Barcelona, dhe fituesit të Kupës, Sevilla.
Të dyja skuadrat nuk do të ndeshen në Spanjë, por në Tangeri të Marokut. Një zgjedhje e pakuptueshme nga presidenca e Federatës Spanjolle të Futbollit.
Shfaq Komentet (0)