Emmanuel Macron, presidenti francez ka urdhëruar ristrukturim të stafit të tij, pas një videoje që tregon truprojën e tij, tashmë të shkarkuar, duke dhunuar një protestues.
Alexandre Benalla, truproja personal i Macron, është parë duke tërhequr një grua dhe duke rrahur një njeri gjatë protestave të Ditës së Majit në Paris. Ai është akuzuar për dhunë në grup dhe për përdorimin e simboleve të policisë, ndërsa u shkarkua të premten.
Nën presionin gjithnjë në rritje, Macron mblodhi së bashku disa ministra për të diskutuar mbi çështjen.
Një zyrtar u shpreh se Macron e kishte përshkruar incidentin si “të papranueshëm” dhe premtoi se do përballej me drejtësinë.
Shfaq Komentet (0)
