Dy ushtarakët grekë që po mbaheshin që nga marsi i këtij viti janë liruar nga burgu i sigurisë së lartë i Edrinesë të Turqisë, njoftoi mbrëmjen e të martës agjencia zyrtare e lajmeve, Anadolu. Pasi u mbajtën për 167 ditë, dy ushtarakët u liruan. Kryeministri i Greqisë, Alexis Tsipras cilësoi këtë vendim si “akt të drejtësisë”, që do të rrisë miqësinë mes dy vendeve.
Përmes një deklarate, kryeministri Tsipras ka falënderuar dy ushtarët dhe familjet e tyre për “këmbënguljen dhe durimin” e tyre. Burgosja e dy ushtarëve grekë nga autoritetet turke rriti tensionet mes dy shteteve fqinje.
Greqia ka deklaruar se ushtarët kanë kaluar gabimisht vijnë kufitare dhe kanë hyrë në territorin turk, teksa kanë qenë duke ndjekur gjurmët e emigrantëve që hyjnë paligjshëm në territorin e tyre.
Një gjykatë në Turqi, që ka urdhëruar lirimin e dy ushtarëve, ka thënë se ata akuzoheshin për kalim ilegal të kufirit dhe përpjekje për spiunazh ushtarak.
