“Vajzat do t’i mbysja se janë të miat”, ka qenë kjo deklarata shokuese e 42-vjeçares nga Fieri, Rudina Kishta e cila ka dalë para togave të zeza.
Ajo akuzohet për zjarrvënie të qëllimshme dhe tentativë vrasjeje, ndërsa gjykata ka caktuar masën arrest me burg për 42-vjeçaren.
“Unë ia kam vënë flakën shtëpisë sepse Ardian Gjika nga Grecallia me të cilin bashkëjetoj prej 6 muaj ka ushtruar dhunë ndaj meje dhe dy vajzave të mitura 6-vjeçare. Kam 6 muaj që jetoj në kushte të vështira dhe bashkëjetuesi ishte i dhunshëm dhe pinte”, ka thënë ajo.
Kishta ka pranuar edhe tentativën për mbytjen e dy vajzave të mitura duke thënë se këtë do ta bënte pasi vajzat janë të sajat.
Rudina Kishta u arrestua disa ditë më parë ndërsa i shoqi ka thënë se ajo vuante nga depresioni.
