Bie në liqenin e hidrocentralit të Banjës, vdes 11-vjeçarja në Gramsh

Një vajzë e mitur, vetëm 11 vjeçe është mbytur në liqenin e Hidrocentralit të Banjës.

Mësohet se ngjarja ka ndodhur rreth orës 16:20, ku e mitura me inicialet A.T., 11 vjeçe, banuese në fshatin  Trashovic, Gramsh, dyshohet se ka rënë aksidentalisht në liqenin e Hidrocentralit të Banjës.

Policia ka shkuar në vendngjarje, ndërkohë polumbarët, kanë bërë të mundur  gjetjen dhe nxjerrjen e  trupit të pajetë. Grupi hetimor po punon për  sqarimin e plotë të rrethanave të ngjarjes.