Presidenti serb Aleksandar Vuçiç ka deklaruar se nuk e konsideron kancelaren gjermane Angela Merkel një armike, pavarësisht deklaratës të saj se kufijtë në Kosovë janë plotësisht qartë të përcaktuara.
Ai i tha Radio Televizionit të Serbisë se vendi i tij ka pak aleatë në bashkësinë ndërkombëtare dhe Angela Merkel konsiderohet si një “mike e vërtetë”.
Presidenti serb po ashtu konfirmoi vizitën e tij në Kosovë më 9 shtator.
“Nëse çdo gjë do të shkojë sipas planit, në këtë datë do të jem me serbët në Kosovë”, u shpreh presidenti serb.
Kreu i shtetit serb, sidoqoftë theksoi se qëllimi kryesor i Beogradit është ruatja e paqes në Kosovë.
Shfaq Komentet (0)