Situata e përmbytjeve në Indi është përkeqësuar edhe më shumë, duke shkuar në 324 numri i personave që kanë humbur jetën.
Me mijëra vetë kanë mbetur të bllokuar në shtetin jugor të Keralas, ku vijojnë përpjekjet e shpëtimit, në të cilat është përfshirë së fundmi dhe ushtria e vendit.
Qindra trupa, dhjetëra anije dhe helikopterë po ndihmojnë ne evakuimin e njerëzve pas atyre që cilësohen nga zyrtaret atje si përmbytjet më të këqija prej një shekulli.
Shumë njerëz që kanë mbetur të bllokuar nga ujërat, janë ngjitur në çatitë e shtëpive të tyre të përmbytura.
Edhe kryeministri i vendit, Narendra Modi, ka shkuar në zonën e prekur dhe ka takuar zyrtarët lokal për të diskutuar krizën.
Që nga fillimi i sezonit të musoneve në qershor, në Indi kanë humbur jetën gati 1.000 vetë.
Teksa zyrtarët janë detyruar të japin alarmin e kuq.
