“Një sulm ndaj ekonomisë turke nuk dallon nga një sulm kundër flamurit”.
Kështu u shpreh presidenti turk Rexhep Tajip Erdogan, në një video-mesazh me nota nacionalizmi, përpara festës së Kurban Bajramit.
“Sulmi ndaj ekonomisë sonë nuk ka absolutisht asnjë ndryshim nga sulmet ndaj thirrjes sonë për lutje dhe flamurit tonë. Qëllimi është i njëjtë. Qëllimi është të ulin Turqinë dhe popullin turk në gjunjë, për ta bërë atë të burgosur”.
Teksa shtoi se: “Ata që mendojnë se mund ta bëjnë Turqinë të tërhiqet, si pasojë e rënies së kursit të këmbimit, së shpejti do të shohin se kanë gabuar”.
Situata e tensionuar mes Turqisë dhe SHBA-ve është rritur, pasi mëngjesin e sotëm Ambasada Amerikane në Ankara është qëlluar me armë zjarri.
Më parë, monedha kombëtare e Turqisë humbi pothuajse 20 përqind të vlerës së saj, pasi Shtetet e Bashkuara vendosin sanksione ndaj dy ministrave të qeverisë turke dhe dyfishuan tarifat mbi importet e çelikut dhe aluminit turk mbi arrestimin e vazhdueshëm të pastorit amerikan Andrew Brunson mbi akuzat për spiunazh dhe terrorizëm.
