Dy makina janë përplasur me njëra tjetrën ditën e sotme në aksin rrugor Fier-Levan, ku për pasojë ka humbur jetën një grua shtatzënë.
Ngjarja e rëndë ka ndodhur në vendin e njohur si Qafa e Koshovicës.
Nga përplasja e mjeteve ka humbur jetën një Majlinda Troka, 27 vjeçe e cila ishte 6-7 muajshe shtatzënë. Ndërsa është plagosur një fëmijë i mitur pasagjer po në mjetin tip “Audi”, ku ndodhej edhe viktima.
Nuk dihen ende rrethanat e ngjarjes, ndërkohë që policia vijon hetimet për të zbuluar më shumë.
Paraprakisht dyshohet se shkak për përplasjen është bërë shpejtësia e madhe e mjeteve.
Informacioni i policisë:
Fier
Informacion paraprak
Në datën 21.08.2018, ora 11.30 në aksin rrugor Fier – Levan, në vendin e quajtur “Liqeni” janë përplasur mjetet tip “Audi” me drejtues shtetasin A.T me mjetin tip “Benz” me drejtues shtetasin L.T.
Si pasojë e përplasjes ka ndërruar jetë shtetasja M.T e cila ndodhej pasagjere në mjetin tip “Audi” si edhe është plagosur një fëmijë i mitur pasagjer po në mjetin tip “Audi”.
Grupi hetimor po punon për zbardhjen e plotë të kësaj ngjarje.