I jepet lamtumira e fundit 32-vjeçarit shqiptar Admir Bokrina i cili humbi jetën javën e kaluar, si pasojë e shembjes së urës “Morandi” në Genova të Italisë.
Ai u përcoll në banesën e fundit paraditen e sotme në vendlindje, në fshatin Oblikë të Shkodrës.
Trupi i pajetë i tij erdhi në Shqipëri, pas ceremonisë së mbajtur për 18 nga viktimat në Itali.
Ndërkohë shqiptari tjetër i cili humbi jetën nga shembja e urës, Marjus Djerri nga Shijaku, u varros në Genova.
Nga shembja e urës humbën jetën 43 persona, mes tyre janë edhe dy të rinjtë shqiptarë.
Shfaq Komentet (0)