Një 29-vjeçar është mbytur ditën e sotme në një rezervuar në fshatin Krajen në Lezhë. Ngjarja ka ndodhur në orët e para të mëngjesit të sotëm dhe sipas policisë viktima është me iniciale B.L.
Nga verifikimet e bëra në trupin e viktimës nuk janë gjetur shenja dhune, teksa dyshohet se vdekja e të riut ka ardhur si pasojë e mbytjes në ujë.
Ndërkoë, policia po punon për zbadhjen e plotë të rrethanave të vdekjes së 29-vjeçarit.
Njoftimi i policisë
Më datë 21.08.2018, rreth orës 06:30, në fshatin Krajen në Lezhë, në një rezervuar uji, afër baneses se tij, është gjetur i vdekur dhe pa shenja dhune, shtetasi B.L., 29 vjeç. Nga veprimet e kryera, dyshohet se vdekja ka ardhur nga mbytja në ujë. Materialet u referuan në Prokurorinë pranë Gjykatës së Shkallës Parë Lezhë, për ngjarje aksidentale.