Partia Socialiste ka mbledhur sot grupin parlamentar, ku është votuar për përjashtimin e deputetit Gjetan Gjetani.
Deputeti u përjashtua nga kryeministri i Shqipërisë, Edi Rama gjatë mbledhjes së Asamblesë së PS më 7 shtator.
Rama e përjashtoi Gjetanin nga grupi i PS, pasi ky i fundit e cilësoi policinë e shtetit si të paaftë referuar dy vrasjeve të ndodhura ditët e fundit në Kurbin.
Ndërkaq, në mbledhjen e grupit parlamentar të PS, mësohet se është diskutuar për propozimin e kreu të PD-së, Lulzim Basha për Vettingun e politikanëve.
Burime nga mbledhja bëjnë të ditur se Taulant Balla i ka thënë deputetëve se propozimi i opozitës është i dështuar.
“Propozimi i Bashës për Vetting të politikës është një propagandë e tij. Ne jemi gati për vetting të vërtetë dhe këtë e garanton 100% reforma në drejtësi”, – mësohet se ka thënë Balla.
Po ashtu kreu i grupit parlamentar socialist ka thënë se Byroja Kombëtare e Hetimit dhe SPAK-u garantojnë plotësisht Vettingun për politikanët.