Epoka “dixhitale” duket se ka ngecur në Shqipëri dhe kjo për faktin e vetëm, të një keqmenaxhimi.
Kreu i AMA-s, Gentian Sala deklaroi sot se: “Kemi vendosur ridezjen e transmetimeve analoge. Për ata që kanë blerë aparatin e ri do të vijojnë që të shikojnë transmetimet dixhitale, ndërkohë që ata që ende nuk janë pajisur u lihet katër muaj kohë për tu pajisur me dekodera, do të shtyhet afati në 15 janar 2019. Me gjithë njoftimet prej një viti, konstatohet se shumë prej tyre e kanë lënë për një moment të fundit”.
Përpara se të vij data 15 janar 2019, kini parasysh se dekoderi DVB-T2 kushton 2990. Ndërsa ata persona, të cilët kanë televizor të ri të tipit DVB-T2, e kanë të inkorporuar dekoderin që do të thotë nuk kanë nevojë të blejnë një të tillë të ri.
Kreu i AMA-s, Gentian Sala të hënën tha se deri tani janë shpërndarë falas 88 mijë dekodera për familjet në nevojë. Shqipëria ka një numër të lartë të kanaleve pa pagesë, gjithsej 34 të tillë, me cilësi të lartë transmetimi.
