Pas takimit me një grup artistësh dhe intelektualësh në lidhje me shembjen e Teatrit Kombëtar, kreu i Partisë Demokratike, Lulzim Basha, ka dal në një prononcim për mediat.
Basha u shpreh se ditën e nesërme në Kuvend do të zhvillohet një akt tërësisht anti-kushtetues dhe korruptiv, duke favorizuar kryeministrin Edi Rama dhe miqtë e tij të cilët duan të përfitojnë nga prona publike e teatrit, duke e tjetërsuar atë.
Ai u bëri thirrje deputetëve të PS që nesër të mos votojnë një vendim i cili cënon pronën publike dhë që gllabëron teatrin.
Kreu i opozitës deklaroi gjithashtu se, synimi i këtij ligji është për të pastruar paratë e krimit dhe drogës me një fitim prej mbi 200 milion euro.
Kryedemokrati tha se kushdo që ngre kartonin e votimit për të shembur teatrin do trajtohet politikisht nga opozita si termosit shtetëror.
“PD ka një qellim të qartë dhe të pandryshuar. Ligji Rama- Fusha, duhet të rrëzohet nesër në Parlament, dua ti them çdo deputeti, që rrëzimi i Teatrit është një akt barbar. Ata duan të tjetërsojnë, gllabërojnë pronën publike. Sonte iu bëj thirrje të gjithë karton-mbajtësve, që nesër çdo kush që ngre kartonin, do të trajtohet politikisht nga opozita si terrorist shtetëror”, tha Basha.