Partia Demoratike ka hedhur një sërë akuzash në drejtim të Edi Ramës përmes deputetit të saj Ervin Salianji, i cili i ka shtruar disa argumenta në lidhje me raportin mes kryeministrit dhe grupit të Bajrajve në Shkodër, pjesa më e madhe e të cilës tashmë është arrestuar dhe burgosur.
Përmes një deklarate për shtyp, Salianji është shprehur se Rama e Ministri i Jashtëm Ditmir Bushati janë të lidhur ngushtë me grupin në fjalë, sidomos gjatë kohësh së zgjedhjeve të përgjithshme, vitin e kaluar.
Deklarata e plotë:
Bushati nuk iu përgjigj 5 pyetjeve që i adresoi Partia Demokratike dje.
Bushati dhe Rama janë mekur sepse:
– Bushati me porosi të Ramës i ka takuar me dhjetëra herë para fushatës, gjatë fushatës dhe pas saj për t’i kthyer shërbimet grupit të Bajrajve, me emërime, tendera dhe vendosjen e shtetit në shërbim të tyre.
– Gjatë zgjedhjeve grupi Bajraj është përdorur për të kërcënuar dhe intimiduar votuesit e opozitës.
– Rama i ka kërkuar grupit Bajraj, nepermjet Ditmir Bushatit, që të shtojnë numrin e deputetëve te PS ne Qarkun Shkodër sipas “mënyrës së tyre” dhe në këmbim u ka ofruar garanci për të drejtuar ata gjithë interesat në Shkodër.
– Bushati u ka dërguar falenderimet në emër të Ramës pas zgjedhjeve elektorale.
– Komunikimi me Bajrat është i shpeshtë dhe komunikimi i fundit me ta është gjatë muajve të fundit.
Shumë prej qeveritarëve dhe deputetëve të Rames kanë rënë në rrjetën e përgjimeve të partnerëve.
Prandaj Edi Rama nuk e pranon vetingun në politikë.