Sport

FSHF i përgjigjet Braçes: Duan të pushtojnë Federatën me dhunë

17:22 - 11.10.18 Gazeta Shqiptare

Federata Shqiptare e Futbollit i është  për është përgjigjur deklaratave të bëra nga deputeti socialist  Erion Braçe, i cili sot në Kuvend thirri në një interpelancë ministrin e Financave dhe të Ekonomisë, Arben Ahmetajn, për të folur për ligjshmërinë fiskale të FSHF-së.

Sipas FSHF, ka tendenca të përsëritura nga politika, nga i njëjti deputet, që sipas tyre kërkon të hedhë baltë dhe të cenojë standardet ndërkombëtare

Gjithashtu duke iu referuar gjuhës së përdorur sot nga Deputeti Braçe  në Kuvend, FSHF deklaron se gjuha e përdorur ishte kërcënues.

Në këtë reagim thuhet se ka segmente të caktuar të politikës për të pushtuar me dhunë FSHF-në.

 “Sot, fatkeqësisht, si edhe disa herë të tjera, në mënyrë të përsëritur nga i njëjti deputet, por fatmirësisht për reputacionin e parlamentit shqiptar, i vetmi që në parlament sillet si tifoz i një ekipi, dhe në shkallët e stadiumit si ligjvënës, pamë jo vetëm gjuhë ofenduse por edhe kërcënuese, që në subkoshiencë fshehin ëndrrën e vjetër të nje segmenti të caktuar të politikës për të pushtuar me dhunë FSHF-në” thuhet ne reagimin e Federatës të publikuar në faqen zyrtare.

Reagimi i Plotë:

FSHF si gjithmonë, ndjek me vemendje të posaçme, çdo zhvillim parlamentar dhe jashtë tij, që ka të bëjë me mirëfunksionimin dhe imazhin e saj. FSHF, ashtu sikurse edhe UEFA dhe FIFA është veçanërisht sensitive, sidomos kur shikon tendenca nga ligjvënës, edhe pse të veçuar, që synojnë në thelb të cënojnë standartet ndërkombëtare të vendosura me kohë në këtë organizatë, dhe pavarësinë e saj nga politika.

Sot, fatkeqësisht, si edhe disa herë të tjera, në mënyrë të përsëritur nga i njëjti deputet, por fatmirësisht për reputacionin e parlamentit shqiptar, i vetmi që në parlament sillet si tifoz i një ekipi, dhe në shkallët e stadiumit si ligjvënës, pamë jo vetëm gjuhë ofenduse por edhe kërcënuese, që në subkoshiencë fshehin ëndrrën e vjetër të nje segmenti të caktuar të politikës për të pushtuar me dhunë FSHF-në.

FSHF jo vetëm garanton transparencën e saj përballë organizmave ndaj të cilave është e detyruar në bazë të rregullave t’i përgjigjet, por inkurajon gjithashtu punën e çdo institucioni shtetëror, apo qoftë dhe individi me pushtet, që në themel ka mirëfunksionim e kësaj organizate dhe jo ngritjen e ndonjë flamuri politik në ballkonet e saj.

Duke ritheksuar besimin tonë tek institucionet e shtetit, nënvizojmë edhe njëherë se mesazhet e dala nga zëra të veçuar të politikës që baltosin jo vetëm imazhin e FSHF-së por edhe të UEFA-s do të përcillen dhe ndahen me të gjithë partnerët tanë në FIFA dhe UEFA.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *