Dy ditë më parë një 30-vjeçar mbeti i vrarë, pasi u masakrua me thikë nga një 25-vjeçar.
Ky i fundit është vënë sot në pranga. Uniformat blu kanë bërë të ditur se kanë arrestuar Muhamet Sallahin, i cili mbrëmjen e 11 tetorit masakroi me thikë Holti Hajdarin në rrugën “Bego Hoxha”, duke e lënë pa ndjenja dhe duke u larguar në drejtim të paditur.
NJOFTIMI I POLICISË
Kapet dhe arrestohet autori i vrasjes së shtetasit H.H., 30 vjeç, të ndodhur në mbrëmjen e datës 11 tetor 2018 në zonën e Kombinatit.
Shërbimet e Policisë të Komisariatit Nr.6, pas një pune intensive dhe të mirëorganizuar hetimore bënë kapjen dhe arrestimin e shtetasit :
– Muhamet Sallahi, 25 vjeç, banues në Tiranë.
LEXO edhe: Degjeneron sherri, vritet me thikë 30-vjeçari në Tiranë
Ky shtetas mbrëmjen e datës 11 tetor 2018, në rrugën “Bego Hoxha” në Kombinat për motive të dobëta ka goditur disa herë me mjet prerës në trup shtetasin H. H., 30 vjeç, duke i shkaktuar vdekjen.
Materialet iu referuan Prokurorisë pranë Gjykatës së Shkallës Parë Tiranë në ngarkim të shtetasit të lartpërmendur për veprën penale “Vrasja me dashje” të parashikuar nga neni 76 i Kodit Penal.
