Raportuesi për Shqipërinë në Parlamentin Europian, Knut Fleckenstein i doli në mbrojtje kreut të grupit socialist, Taulant Ballës, pas debatit që u krijua me opozitën në Bruksel. Ai theksoi se nuk është prokuror apo gjyqtar, por opozita sipas tij nuk mund të flasë pa prova.
LEXO EDHE: Opozita nuk ia del dot në Bruksel, Balla merret në mbrojtje nga eurodeputetja
“Unë nuk jam prokuror nuk jam gjyqtar. Mund të besoj nëse Balla është një djalë i keq apo jo. por ne duam prova të gjithë kërkojnë prova dhe më pas mund të vendosim se si të komunikojmë. Kërkesa ime është bëni detyrat e shtëpisë e për këto akuza shkoni tek prokurori,” tha Fleckenstein.
Ndërkohë dhe drejtuesja e Komisionit të Përbashkët Ndërparlamentar Shqipëri-BE, Monica Macovei kritikoi veprimin e opozitës, për të lënë sallën. Ajo tha se ky vendim është kundër europiane.
“Nëse kërkojmë dialog konstruktiv, ku është ai?! Ata erdhën në këtë takim me paratë e shqiptarëve për të ngrenë një drekë dhe më pas ikën dhe ne këtu flasim për të ardhmen e shqiptarëve. Shqipëria duhet të plotësojë 5 kushtet për të hapur negociatat me Shqipërinë. E kam thënë disa herë në Shqipëri është koha që të gjitha partitë të jenë bashkë, për të mirën e qytetarëve shqiptarëve. Ju të gjithë bashkë duhet të jeni bashkë në Parlament, nëse nuk e bëni këtë nuk i shërbeni shqiptarëve”, tha Macovei.
Reagimin me tepër emocional e bëri zoti Balla. “Ne duhet të lëmë betejat tona në Shqipëri, dhe këtu të bashkojmë forcat me ju. Nëse 1% kaq është shumë 1 në 1 milionë nga gjithçka sa tha z. Pollo jam gati të më bëhet gjyqi këtu”, tha ai.
Turp dhe gjunaf ,qe paguhen me parate e shqipetareve,dhe dalin kunder interessve te shqipetareve.