Një ndër këngëtaret më të përfolura të botës së showbizit, Lady Gaga, ka shpërthyer në lot gjatë fjalës së saj në eventin e shpërndarjes së çmimeve “Woman in Hollyëood”. Ajo u ftua nga këngëtarja Jennifer Lopez për të mbajtur fjalën e saj.
Lady Gaga pranoi se i ka mbijetuar abuzimit seksual por njëkohësisht edhe problemeve mendore. “Në moshën 19-vjeçare më abuzuan seksualisht dhe që atëherë kam ndryshuar krejtësisht. Një pjesë e imja u mbyll për vite me radhë. Nuk i tregova askujt. Më vinte shumë turp. Madje edhe tashmë po ndihem keq para jush. Ka ditë që vazhdoj të mendoj se ndoshta ishte faji im.
Pasi ndava atë që më ndodhi me disa persona shumë të fuqishëm në fushën e muzikës askush nuk më ndihmoi. Një gjendje e tillë bëri që t’i drejtohesha mjekut. Më pas filloi ndryshimi, pasi pata burime që më ndihmuan të kaloj këtë situatë të vështirë”, – është shprehur Gaga.
