EKONOMI

Sejko: Ulen kreditë e këqija, tregues pozitiv

12:05 - 16.10.18 Gazeta Shqiptare
GSH APP Download on Apple Store Get it on Google Play

Banka e Shqipërisë mbetet e gatshme të japë të gjithë mbështetjen e duhur nëpërmjet vazhdimit të stimulit monetar, me synim nxitjen e aktivitetit ekonomik dhe kthimin e inflacionit në objektiv”, – tha guvernatori i Bankës së Shqipërisë, Gent Sejko, i cili mori pjesë në mbledhjet vjetore të Fondit Monetar Ndërkombëtar dhe të grupit të Bankës Botë-rore, që u zhvilluan në Bali, Indonezi. Gjatë pjesëmarrjes në këto mbledhje, guvernatori Sejko zhvilloi disa takime të rëndësishme me personalitete të njohura të fushës financiare ndërkombëtare. Gjatë takimeve, ai bëri një ekspoze të situatës ekonomike dhe financiare shqiptare, duke theksuar se aktiviteti ekonomik në vend ka vijuar të shënojë për-mirësim dhe shprehu angazhimin e Bankës së Shqipërisë për të mbështetur rritjen dhe zhvillimin e mëtejshëm të ekonomisë.




Për sa i përket sistemit bankar, guvernatori u shpreh se ai shfaqet me tregues mjaft të mirë financiarë, i mirëkapitalizuar dhe likuid. Rënia e mëtejshme e treguesit të kredive me probleme në nivelin 12.9%, më i ulëti në këto vitet e fundit, është një shenjë pozitive, që i hap rrugë rritjes së pranisë dhe kontributit të sistemit bankar në ekonomi. Më tej, guvernatori Sejko theksoi se sistemi bankar është aktualisht nën një proces konsolidimi dhe siguroi përfaqësuesit e FMN-së dhe BB-së se Banka e Shqipërisë do të ushtrojë me përpikmëri dhe rreptësi rolin e saj rregullator dhe mbikëqyrës, duke garantuar që aktorët e rinj në treg të përmbushin plotësisht kërkesat ligjore, e duke ruajtur të pacenueshëm stabilitetin financiar të vendit. Nga ana e tyre, përfaqësuesit e FMN-së dhe BB-së vlerësuan pozitivisht rolin dhe politikën e ndjekur nga Banka e Shqipërisë, e cila ka kontribuar në zhvillimin dhe stabilitetin makroekonomik të vendit. Në veçanti, mbajtja e një kursi akomodues të politikës monetare, ndërhyrjet në tregun valutor me qëllim ruajtjen e objektivit të inflacionit, si dhe kujdesi i vazhdueshëm i treguar në drejtim të ruajtjes së stabilitetit financiar u cilësuan si veprime mjaft të nevojshme dhe të përshtatshme.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.