Një aksident i rëndë ka ndodhur në Shkodër, ku për pasojë një 65-vjeçar ka ndërruar jetë.
Viktima është identifikuar si Njac Rroku, i cili është transportuar menjëherë për në spital, por për shkak të plagëve të rënda nuk ka arritur të mbijetojë.
65-vjeçari po ecte me motor, në momentin kur edhe është përplasur nga një mjet në njësinë administrative Guri i Zi.
Dyshohet se Rroku është përplasur nga një mjet tip Volkswagen me pronar shtetasin A. D. banues në Shkodër, i cili pas aksidentit është larguar nga vendi i ngjarjes dhe në këto momente është kapur nga Policia.
Informacion paraprak:
Më datë 19.10.2018, rreth orës 09.50, në Spitalin Rajonal Shkodër është dërguar një person i cili më pas ka ndërruar jetë.
Nga verifikimet e bëra nga policia, shtetasi Nj. Rr. rreth 70 vjeç nga fshati Guri Zi duke udhëtuar me ciklomotor, dyshohet se e ka përplasur mjeti tip Volkswagen me pronar shtetasin A. D. banues në Shkodër në vendin e quajtur qendër Guri i Zi.
Shtetasi A. D., pas aksidentit është larguar nga vendi i ngjarjes dhe në këto momente është kapur nga Policia .
Po kryhen veprimet me grup hetimor për sqarimin e rrethanave të ngjarjes.
