Kim Kardashian është kryqëzuar sërish nga fansat e saj, për fotot provokuese që ka postuar. Teksa ka dashur të promovojë koleksionin e saj të ri të make up “Flashing Lights Collection”, fansat kanë shpërthyer në komente negative ndaj saj.
Përmes një foto të postuar në profilin e saj në Instagram, Kim ka pozuar e zhveshur, ku pjesërisht e mbulon gjoksin me duart e saj dhe pjesën tjetër të trupit me një pëlhurë ngjyrë argjendi.
Teksa priste komente pozitive për koleksionin e ri të toneve të syve, komentuesit janë marrë me zhveshjen e saj.
“Ti ke një burrë dhe fëmijë!” apo “A do të reklamosh e të shesësh gjoksin?” ishin disa nga komentet negative ndaj saj.
Madje, një tjetër komentues shkruante: “Kjo ishte ideja e vetme që mund të vinte në mend për të reklamuar tonin e syve?”
Kim është e njohur për natyrën e saj moskokëçarëse dhe ka zgjedhur të mos reagoj ndaj tyre.
Por, si kundërpërgjigje vendosi të postoj dhe disa foto të tjera në të cilat ajo shfaqej tepër provokuese.
