Bashkimi Evropian dhe qeveria gjermane nuk do të bllokojnë kërkesën e Britanisë së Madhe për zgjatjen e periudhës së tranzicionit pas Brexit.
Megjithatë, Ministri i Çështjeve Evropiane Michael Roth, deklaroi ditën e premte se zgjatja e këtij procesi nuk do mund të zgjidh gjithë problemet.
“Nëse ajo do të zgjidh problemet dhe nëse nevojiten edhe disa muaj për të negociuar detajet e marrëdhënieve të ardhshme, atëherë me siguri nuk do të dështojë për shkak të vendeve anëtare dhe për shkakun tonë në Berlin”, u shpreh Roth.
“Por, vetëm zgjatja e këtij procesi pa asnjë plan konkrete për çështjen e kufirit midis Irlandës dhe Irlandës së Veriut, nuk ofron zgjidhje”, përfundoi ai.
Britania e Madhe do të largohet nga unioni në muajin mars dhe plani i tanishëm është që periudha e tranzicionit të përfundojë në fund të vitit 2020.