Ministria e Drejtësisë përshëndet arrestimin nga policia të ish-Drejtorit të Përgjithshëm të burgjeve Arben Çuko.
Në një njoftim për mediat, Ministrja Etilda Gjonaj thotë se “në cilësinë e Ministres së Drejtësisë, në datën 3.09.2018 i kam propozuar Kryeministrit shkarkimin e drejtorit të përgjithshëm të burgjeve, Arben Çuko”.
Gjonaj thekson se shkarkimi i tij imediat për keqmenaxhim të patolerueshëm dhe dyshime të forta për korrupsion, ka çuar në një hetim të thelluar administrativ.
“Në cilësinë gjithashtu edhe të Koordinatores Kombëtare të Task-Forcës Antikorrupsion i kam dërguar prokurorisë të gjitha materialet e konstatuara nga auditimi i brendshëm si shkelje të kryera në Drejtorinë e përgjithshme të burgjeve” shton Gjonaj.
Ministrja thotë se përshëndet dhe mbështet prokurorinë në zbardhjen deri në fund të veprimeve të ish-Drejtorit dhe shpreh edhe njëherë vullnetin e hekurt të qeverisë shqiptare për të luftuar korrupsionin pa bërë dallime të asnjë natyre.
“Vija e sjelljes së kësaj qeverie ndaj korrupsionit është e qartë: Çdokush që shkel ligjin ka punë me drejtësinë. Pa dallim ngjyre, përkatësie politike apo ideje të gjithë janë të barabartë përpara ligjit dhe do të përgjigjen po njësoj përpara tij”.
E ka then mire. Kushdo qe shkel ligjin do te perballet me pasojat.
Kjo eshte qeveria qe duam qe nuk fal as te saj e as te botes.
Kjo Gjonaj e ka mar seriozisht luften kunder korrupsionit dhe me vjen mire qe ka njerez te tille misionar.