Ylli amerikan i Urestling, Roman Reigns, po kalon një moment të trishtuar në jetën e tij. Ai ishte diagnostikuar me leucemi 10 vite më parë, ndërsa tani zbuloi se sëmundja ishte rikthyer, e për pasojë nuk mund të vazhdojë të ushtrojë më sportin e tij.
Menjëherë pas lajmit, fansat e tij i dërguan mijëra mesazhe mbështetjeje në rrjetin social Twitter. Roman, një ish-lojtar i futbollit amerikan e bëri njoftimin në ring, teksa u shpreh: “Ju mi keni bërë ëndrrat realitet. Nuk ka rëndësi nëse do brohorisni për mua apo do më shani. Unë vetëm ju them faleminderit”, – u shpreh i emocionuar kampioni i Urestling.
Ndër të tjera, sportisti amerikan u shpreh se sapo të shërohet do të kthehet në shtëpi. “Do ta mund këtë sëmundje dhe së shpejti do të më shihni sërish”.