52 shtetas grekë janë shpallur non grata nga autoritetet shqiptare. Ka qenë zëvendës minsitri i Brendshëm, Sandër Lleshi i cili në një konferencë për mediat ka treguar masat e marra pas shfaqjes së turpshme që u bë të enjten në Bularat, në varrimin e Konstandinos Kaçaifas.
“Askush nuk duhet ta marrë urtësinë tonë për dobësi dhe asnjë i huaj nuk mund të shkelë pa u përballur me pasojat, ligjin dhe traditat e mikpritjes së këtij vendi”, deklaroi Lleshi.
Sipas zëvendës ministrit ngjarjet e së enjtes në Bularat ishin një provokimin sa vulgar, aq edhe të rrezikshëm.
“Individë e grupe të caktuara të ardhura nga Greqia, të cilët shpërdoruan respektin tonë ndaj normës tradicionale shqiptare të hapjes së dyerve të një familjeje në zi dhe e kthyen një ritual përbashkues varrimi, në një shfaqje të pa tolerueshme ekstremizmi, ka vendosur: Shpalljen persona të padëshiruar në vendin tonë, të 52 personave të shtetësisë greke, për veprimtari të organizuar në dëm të sovranitetit të Republikës së Shqipërisë dhe shfaqje e deklarata sfiduese ndaj rendit kushtetues, sigurisë kombëtare dhe qetësisë publike të këtij vendi. Këta njerëz dhe të tjerë, që po analizohen nga forcat tona të sigurisë lidhur me shfaqjen e djeshme ekstremiste në fshatin Bularat, nuk do të lejohen të hyjnë më në këtë vend, për periudhën e parashikuar në ligj”
