Ka shkuar në 50 numri i viktimave nga zjarret që kanë shkatërruar Kaliforninë, pasi autoritetet kanë raportuar edhe gjashtë viktima të tjera ditën e martë.
Sherifi i qarkut Butte, Kory Hone, deklaroi më parë se numri i viktimave kishte arritur në 48, teksa dy persona u gjetën pa jetë në afërsi të Los Angeles.
Autoritet në Kaliforninë e veriut kanë shtuar grupet e kërkimit, për të gjetur viktimat të varrosura nën rrënojat e mbetura nga flakët në qytetin e Paradise.
Zyrtarët thanë të martën se zjarri kishte djegur rreth 195 kilometra katrorë. Zjarrfikësit raportojnë se vatrat e zjarrit janë ende aktive, teksa meteorologu i “NWS” Aviva Braun tha të hënën se erërat e forta që ndihmuan në përhapjen e flakës kanë filluar të zvogëlohen.
“Cilësia e ajrit në zonë, e cila ka qenë e rrezikshme në ditët e fundit, pritet të përkeqësohet, pasi erërat e lehta shkaktojnë përhapjen e tymit”, tha Braun.