Stephen Barclay është emëruar Sekretari i ri për Brexit në Mbretërinë e Bashkuar, teksa kryeministrja britanike, Theresa May synon të plotësojë të gjitha vendet në kabinetin e saj.
Barclay, i cili ka qenë mbështetës i largimit të Britanisë nga Bashkimi Evropian ka shërbyer më parë si ministër i Shëndetësisë.
Ai zëvendëson Dominic Raab, i cili ka dhënë dorëheqje të enjten, pas publikimit të planit të kryeministres May për Brexit.
Zëdhënësi i kryeministres ka thënë se Barclay do të vazhdojë përgatitjet për marrëveshje apo jo rreth Brexitit në postin e tij të ri.
Ky njoftim ka ardhur pasi Amber Rudd është emëruar si Sekretare për Punë dhe Pensione, duke zëvendësuar Esther McVey, e cila po ashtu është dorëhequr pas prezantimit të planeve të kryeministres May për Brexit.
Barclay është personi i tretë që emërohet në postin e Sekretarit për Brexit.
Pas arritjes së gjuhës së përbashkët, shumë deputetë kanë kërkuar për organizimin e një votëbesimi për May, por megjithatë ajo ka thënë se do të vazhdojë punën e saj sepse beson se plani i saj është më i miri për interesin kombëtar të Britanisë.