Një aksident i rëndë ka ndodhur në aksin e vjetër rrugor, Laç-Milot, në afërsi të fshatit Malbardhë, ku raportohet se një person ka vdekur.
Gjithashtu, nga të dhënat e para raportohet se edhe një grua ka mbetur e plagosur rëndë dhe ndodhet në spital.
Policia ka bërë të ditur rreth orës 10:37, në rrugën dytësore Laç – Milot, një mjet kamion me drejtues shtetasin A.Ll.40 vjeç, banues në Laç, ka aksidentuar mjetin ciklomotor, me drejtues shtetasin Z.H. 52 vjeç, banues në Milot.
Për pasojë, ka humbur jetën drejtuesi i ciklomotorit, si dhe është lënduar bashkëshortja e tij shtetasja Sh.H. pasagjere në ciklomotor. Ajo është dërguar në Spitalin e Traumës në Tiranë për ndihmën e nevojshme mjekësore.
Drejtuesi i kamionit është shoqëruar në ambientet e policisë për veprime të mëtejshme procedurale hetimore.
