Kryesore

Unaza e Re, Veliaj: Nuk do të dëmshpërblehen llotot dhe lavazhet pa leje

17:55 - 17.11.18 Gazeta Shqiptare
GSH APP Download on Apple Store Get it on Google Play

Prej disa ditësh banorët e zonës së Unazës së Re janë në protestë kundër një projektit të ri, i cili prek banesat e tyre.




Lidhur me këtë situatë, ka reaguar kryebashkiaku i Tiranës Erion Veliaj duke u përgjigjur dhe akuzave të Partisë Demokratike, të cilët kërkojnë dëmshpërblim për banesat që do t’u shemben.

I ndodhur në Vaqarr, njësia e re që i është bashkuar Bashkisë së Tiranës pas ndarjes administrative, Veliaj tha se PD është bërë për të ardhur keq.

Kryebashkiaku theksoi se banorët që preken nga ky projekt do të shponësohen sipas ligjit, kurse për ndërtimet pa leje do të ketë 3 vite bonus qiraje dhe banesa sociale.

Veliaj tha gjithashtu se nuk do të shpronësohen nga llotot, lavazhet, gomisteritë dhe “shtëpi” me 8 kate pa leje.

 “E kuptoj kur nga nevoja njeriu ndërton shtëpi për të jetuar, por 8 kate nuk është nevojtar, o miqtë e mi! Pse duhet t’ia marrë qeveria, bashkia lekët modeste të taksave dikujt në Vaqarr dhe në vend që të bëjmë shkollën këtu, në vend që të bëjmë rrugën, duhet t’i japim lekë dikujt që thotë ‘jam den baba den’ në një shtëpi me 8 kate, ku qartazi as i ka mbaruar 8 katet? Protestuesi më i madh Eurolloto! Po pse duhet njerëzit që s’luajnë baste të shpronësojnë një lloto?!

Pse mos bëjmë një kopsht në Vaqarr, po duhet të japim lekë për lloto? Pse do heqim lekët e çerdheve për të shpronësuar një pikë bastesh, a ma thoni dot?! Për çfarë po protestojnë? Ky lavazhi ishte trotuar, i ka vënë vetëm këtë tendën portokalli dhe thotë më shpronësoni. Po kë të shpronësojmë more? Trotuari ishte i yni, i të gjithëve. Lekët do t’ia japim për shtëpinë, kush nuk ka asnjë letër, do t’i japim shtëpi sociale. Kush nuk ka asnjë gjë në botë, do t’i japim 3 vite qira falas.

 Të ndezin zjarr sa të duan, të djegin goma sa të duan, por fatin e familjeve dhe fëmijëve të këtij qyteti e kemi vetë në dorë. Ose do të shkojmë përpara dhe do të ecim me zhvillimet e Tiranës ose do të ngelemi mbrapa dhe nuk do e kapim kurrë veten. Shoh protestën për Unazën, s’kishte asnjë banor atje. Ishte gjithë FRPD dhe kryetari i PD-së së Burrelit, nga ata që ishin tek Garda në 21 janar, që vranë njerëzit me plumba në mish.

Vjen nga Burreli, proteston për rrugën në Tiranë! Pyetja që unë kam për PD: S’ju ka mbetur asnjë simpatizant në Tiranë, që mund të protestojë? Duhet patjetër me i sjellë nga rrethe të tjera që të kundërshtoni punën në Tiranë? Kaq keq ka ardhur puna, që partia që solli pluralizmin në Shqipëri nuk gjen dot një protestues nga Tirana dhe duhet ta ndyjë qytetin me dhunë, me zjarr, me plehra, me goma që digjen, me njerëz që vijnë nga qytete të tjera? Fakti që qytetet që PD i ka falimentuar dhe i përdor vetëm për militantë për të bllokuar punët në Tiranë, tregon se ata janë në këtë ditë të zezë dhe ne jemi në drejtimin e duhur”, theksoi Veliaj.


Shfaq Komentet (1)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.

  1. Ti o zoti kryetar vazhdo punen lere pd se ajo ka mare fund do qe te shkatroje shqiperine sic ka bere deri tani .Me nje kryetar qe nuk ishte ne gjendje te regullonte nje tirane jo te regulloj shqiperine pallavra sa per karike

    Përgjigju ↓