CIA ka fajësuar princin e kurorës saudite Mohammed bin Salman se ka urdhëruar vrasjen e gazetarit Jamal Khashoggi. Kjo të paktën sipas raportimeve të mediave amerikane.
Burime pranë agjencisë së inteligjencës thonë se kjo e fundit ka bërë një analizë të detajuar të provave.
Kuptohet se nuk ka pasur armë zjarri, por zyrtarët amerikanë thonë se një operacion i tillë do kërkonte aprovimin e princit. Arabia Saudite i ka quajtur pretendimet false dhe insiston se princi i kurorës nuk ka qenë në dijeni për planet e vrasjes. Thuhet se Khashoggi u vra si pasojë e një “operacioni mashtrimi”.
Gazetari u vra në konsullatën arabe në Stamboll, më 2 tetor. Ndërkaq, ende trupi i tij nuk është gjendur ende. Turqia insiston se urdhri për vrasjen e tij ka ardhur nga nivelet më të larta arabe.
Pretendimet e fundit erdhën pasi u bënë lutje për funeralin e shkrimtarit në Arabinë Saudite dhe Turqi.
‘Ëashington Post”, për të cilën punonte Khashoggi thotë se konkluzionet e CIA-s bazohen kryesisht në një telefonatë që vëllai i princit të kurorës, Khaled bin Salman, i bëri ambasadorit arab në Amerikë.
Princi Khaled thuhet se i ka telefonuar Khashoggit në emër të vëllait të tij dhe i ka dhënë siguri për të vajtur në kosnullatë. Gjithsesi, ambasada saudite ka mohuar që princi Khaled të ketë diskutuar ndonjëherë për ndonjë udhëtim në Turqi me Khashoggin. As Shtëpia e Bardhë apo Departamenti i Shtetit Amerikan nuk ka komentuar mbi raportet, por burime thonë se ata janë të informuar mbi konkluzionet që ka nxjerrë CIA.