Interpol ka zgjedhur si president koreano-jugorin Kim Jong-yang, duke refuzuar kandidatin rus, Alexander Prokophuk, i cili shihej gjerësisht si pretendenti kryesor për të pasuar Meng Hongwein.
Kim u zgjodh nga 194 shtetet anëtare të Interpolit, në një takim të Kongresit të përvitshëm në Dubai. Ai do të vijojë mandatin e mbetur të Meng Hongweit, deri në vitin 2020.
Një ditë më parë, një kor gjithnjë e në rritje kritikësh i bëri thirrje Interpolit që të refuzonte kandidatin rus për të udhëhequr Interpolin, për shkak të frikës se Moska do të abuzonte me presidencën e saj për të shënjestruar kundërshtarët politikë.
Por, nga ana e tij Kremlini denoncoi atë që e quajti “ndërhyrje” në votim.
Zgjedhjet vijnë pas zhdukjes së ish-presidentit të Interpol Meng Hongwei, i cili u zhduk në një udhëtim në Kinë në muajin shtator. Pekini që atëherë ka konfirmuar se është arrestuar dhe është duke u hetuar për ryshfet.