Refuzimi i seksit ka çuar në vrasjen makabre të një studente 21-vjeçare në Greqi. Eleni Tofaloudi është studentja greke, e cila u gjet e vrarë në ishullin Rodos, ku autorët e krimit dyshohet se është një 19-vjeçar shqiptar dhe një 21-vjeçar grek.
Sipas mediave greke, dy të rinjtë kanë dëshmuar në polici dhe kanë pranuar krimin.
Dy autorët e kishin marrë 21-vjeçaren në shtëpi dhe i kishin kërkuar asaj favore seksuale. Mirëpo, mospranimi i kërkesës nga 21-vjeçarja greke, bëri që dy të rinjtë të ushtrojnë dhunë ndaj saj.
Autoritet greke kanë bërë të ditur se të rinjtë e kanë goditur 21-vjeçaren me sende të forta në kokë dhe më pas e kanë hedhur atë në det. Studentja ishte ende gjallë, kur e kanë hedhur në det dhe sipas ekzaminimit mjeko-ligjor, mushkëritë e të resë ishin mbushur me ujë, gjë që ka çuar në vdekjen e saj.
Dy të akuzuarit, gjatë dëshmisë në polici ia kanë hedhur fajin njëri-tjetrit.
