Historia e Albi Nakos dhe Klaudia Pepës është pa dyshim një nga historitë e dashurisë më të përfolura në “showbiz”-in shqiptar. Edhe pse prej më shumë se një viti kanë konfirmuar ndarjen, ata kanë treguar se vazhdojnë të ruajnë marrëdhënie miqësore me njëri– tjetrin. E kthyer në Shqipëri për prezantimin e “Kënga Magjike” krah Ardit Gjebreas dhe Bora Zemanit, balerina e famshme ka rrëfyer edhe ritakimin me ish–bashkëshortin e saj. E pyetur nga “Thumb” nëse janë takuar me Albin dhe si kanë reaguar Klaudia tha: “Para ca ditësh ai ishte me grupin e baletit me Albën.
Erdhën të gjithë të më takonin. Erdhi edhe Albi, edhe Alba dhe u treguan shumë të mirë e të dashur. Edhe unë gjithashtu i putha e i përqafova”. Pas këtyre fjalëve të Klaudias verifikohet më bindshëm lidhja e Albës me Albin, edhe pse këta dy të fundit s’e kanë pranuar asnjëherë. Të shohim ç’detaje të tjera “prapa kuintave” do shfaqen për ta vërtetuar.
