Ish-deputeti dhe ish-ministri i PD, Arben Imami ka folur në lidhje me situatën politike në Shqipëri. Ai është shprehur se kreu i Partisë Demokratike, Lulzim Basha nuk e bën dot as kryetarin dhe aq më pak liderin e opozitës.
Sipas tij, Basha “është humbës i paparë në politikën shqiptare”.
Arben Imami: Hapësira që ka kryetari i partisë për tu bërë një lider mbështetet në karizmën, sa tërheq. Një kryetar partie që nuk është i zoti të tërheqë më tepër sesa tërheq partia nuk është i vlefshëm. Një lider që ka karizëm dhe nuk respekton rregullat shpesh del dhe fitimtar, ndodh .Ky nuk ka asnjërën dhe as tjetrën. Ky është humbës i paparë në politikën shqiptare.
Kujtojmë që ditën e djeshme, Imami braktisi mbledhjen e Kryesisë së Partisë Demokratike, duke theksuar se mbledhja po zhvillohet në kundërshtim me rregulloren. Ai ka akuzoi Bashën se nuk respekton asnjë normë.