Prokurorët spanjollë ngritën akuza kundër këngëtares kolumbiane Shakira për evazion fiskal, duke pretenduar se ajo nuk ka paguar 14.5 milionë euro taksa (16.3 milionë dollarë).
Padia i referohet periudhës midis 2012-2014, kur prokurorët argumentojnë se këngëtarja jetonte në Spanjë, ndërsa kishte regjistruar si rezidencë një adresë tjetër.
Akuzat janë depozituar në rajonin e Katalonjës, ku këngëtarja shfaqet rregullisht në ndeshjet e ekipit të partnerit të saj, Gerard Pique, Barcelonës.
Përfaqësuesit e Shakirës thanë në një deklaratë se këngëtarja nuk jetonte në Spanjë deri në vitin 2015 dhe i ka përmbushur të gjitha detyrimet tatimore ndaj autoriteteve spanjolle.
Ky është rasti më i fundit i një të huaji të profilit të lartë me lidhje me futbollin spanjoll, që akuzohet për shmangien e taksave ndërsa jeton atje.
Në muajin shtator lojtari mbrojtës i Real Madridit, Marcelo Vieira pranoi mashtrimin me taksat.
Akuzave për evazion fiskal nuk i janë shmangur dot as Lionel Messi, Neymar dhe Cristiano Ronaldo.
