Familja e Aleksandër Lucës, një nga autorët e dyshuar për vrasjen e 21-vjeçares greke Eleni Topaloudi është larguar nga ishulli i Rodos ku jeton prej vitesh. Ata kanë braktisur shtëpinë ku jetonin pasi presioni për ta është shumë i madh dhe nuk mund ta përballonin qëndrimin aty.
Sipas mediave helene prindërit të riut shqiptar ishin shembullorë dhe punonin shumë për të nxjerrë bukën e gojës. Po sipas mediave greke nëna e të riut shqiptar është shtruar në spital në gjendje shoku, pasi mësoi se çfarë kishte ndodhur.
Ngjarja e rëndë që ka ndodhur para 3 javësh në Greqi. Aleksandër Luca foli për një televizion grek nga qelia e burgut ku qëndron, duke përsëritur thirrjen e tij se është i pafajshëm.
Që në krye të herës, ai ka pranuar përfshirjen në krim, por tha se studenten 21-vjeçare Eleni Topaloudi e dhunoi dhe e hodhi në det shoku i tij Manolis Koukouras. Ky i fundit ndodhet gjithashtu në të njëjtën qeli me shqiptarin. Ata nuk komunikojnë me njëri-tjetrin, shkruajnë mediat greke. Dy të rinjtë akuzohen se kanë dhunuar me hekur në kokë 21-vjeçaren dhe më pas trupin e saj e hodhën në det.
