Kryeministri i Greqisë, Aleksis Tsipras gjatë një konference të përbashkët me presidentin serb Aleksandar Vuçiç u shpreh hapur kundër krijimit të ushtrisë së Kosovës dhe taskës 100 përqind për mallrat serbe.
Sipas Tsipras, nismat e fundit të marra nga qeveria e Kosovës nuk kontribuojnë në stabilitetin e rajonit, por shkaktojnë destabilizim.
“Bashkë me homologun patëm rastin të flasim për ngjarjet më të fundit në Kosovë. Veprimet e tyre janë të papranueshme. Dua të dërgoj një mesazh dënimi ndaj veprimeve që i hedhin benzinë zjarrit dhe të mbështes Republikën e Serbisë, e cila është gjithmonë në përpjekje për të gjetur një zgjidhje”, u shpreh Tsipras
Kuvendi i Kosovës miratoi më 14 dhjetor krijimin e Ushtrisë, me 106 votat e deputetëve të pranishëm, përveç atyre të Listës serbe.
Teksa më 21 nëntor u miratua rritja e taksës me 100 përqind ndaj produkteve, vendim i cili ngjalli reagime të shumta nga ana e përfaqësuesve ndërkombëtarë.