Një shpërthim i fuqishëm është shënuar paraditen e sotme në një shtyllë të tensionit të lartë. Bëhet fjalë për një shtyllë e cila ndodhet në zonën e Fushë-Krujës. Paraprakisht dyshohet se shtyllës i është vendosur lëndë plasëse, për ta hedhur në erë.
Në vendin e ngjarjes ndodhen ekspertët e policisë, të cilët po hetojnë mbi rrethanat e ngjarjes.
Po ashtu njësitë speciale të OST janë duke ndërhyrë për të shmangur stakimin e kësaj linje që do kishte pasoja shumë të rënda në furnizimin me energji elektrike në vend. Flukset e energjisë që injektohen në këtë linje sot janë 50% e konsumit në gjithë vendin.
OST dënon këtë akt të rëndë kriminal dhe ka kryer veprimet procedurale ne organet e drejtësisë me synim gjetjen e autorëve dhe vënien e tyre para përgjegjësisë.