Studentët kanë rinisur sërish protestat këtë të hënë në lidhje me 8 kërkesat e tyre. Ashtu siç ishte paralajmëruar para festave studentët u mblodhën fillimisht para fakulteteve dhe me pas dolën në protestë para Kryeministrisë duke mos pranuar zgjidhjen e dhënë nga ana e kryeministrit Rama.
Mbrëmjen e të dielës ata u mblodhën në Qytetin Studenti dhe diskutuan në lidhje me vijimin e protestës. Ata nuk e kanë pranuar zgjidhjen e dhënë prej kryeministrit, pasi sipas të rinjve kërkesat e tyre duhet të miratohen në Parlament dhe jo me vendim të Këshillit të Ministrave.
Në protestën e sotme ata kanë ftuar të gjithë qytetarët që duan të protestojnë për të drejtat e tyre për t’ju bashkuar protestës se tyre.
Shfaq Komentet (0)