Kryesore

Çertifikata e Sigurisë për Cakajn, Meta kërkon Komision Hetimor Parlamentar

12:36 - 11.01.19 Gazeta Shqiptare

Pas refuzimit për të dekretuar Gent Cakajn në postin e Ministrit të Brendshë, Presidenti i Republikës Ilir Meta, ka ndërmarrë një hap më tej këtë të premte.



Përmes një shkrese zyrtare, drejtuar kreut të Kuvendit Gramoz Ruçi, Presidenti Meta kërkon ngritjen e një Komisioni Hetimor Parlamentar për të hetuar dhe verifikuar veprimtarinë e Drejtorisë së Sigurimit të Informacionit të Klasifikuar (DSIK).

Kërkesa e Metës ka të bëjë me mungesën e pajisjes me çertifikatë sigurie për Cakajn gjatë gjithë kohës që ai ka qenë zv/Ministër, si dhe mbi të gjitha pajisja për 24 orë e tij në fillim të muajit Janar, fill pas emërimit të tij si Ministër i Jashtëm.

Sipas Presidentit Meta, Shqipëria si vend anëtar i NATO-s, duhet të vlerësojë kryerjen e një hetimi administrativ të DSIK, pasi në të kundërt cënohet serioziteti dhe besueshmëria e vendit tonë përpara partnerëve strategjikë.

“Presidenti i Republikës, i kërkon deputetëve të Kuvendit të Shqipërisë, të vlerësojnë këto konstatime, me qëllim ngritjen sipas ligjit, të një Komisioni Hetimor Parlamentar në Kuvendin e Shqipërisë, për hetimin e veprimtarisë së institucionit të Drejtorisë së Informacionit të Klasifikuar mbi procesin e pajisjes me certifikatat e sigurisë për shtetasin Gent Cakaj, me detyrë zëvendësministër për Evropën dhe Punët e Jashtme.” shkruan mes të tjerave Meta.

8833de32-8802-4b3f-8667-376d9422e6df 9f00d211-39a3-462f-b6fe-c8fb9be40e36 a6fba77e-4d8c-40c7-8354-f7d6969e4978 36e30a56-20f6-4ad5-9e1b-3031dcd9e4a9
<
>

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *