Ministri i jashtëm në detyrë Ditmir Bushati ka reaguar në lidhje me ndryshimet kushtetuese nga Kuvendi i Maqedonisë duke u quajtur zyrtarisht Republika e Maqedonisë së Veriut.
Përmes një postimi në rrjetet sociale, Bushati thotë se me këtë votim i cili bëri dhe arritjen e marrëveshjes së Prespës, vendit i hapet rruga drejt anëtarësimit në BE dhe NATO.
Ministri i Jashtëm, shprehet se një rol kryesor në arritjen e ndryshimeve kushtetuese në Maqedoni kanë luajtur dhe partitë shqiptare, të cilat dëshmuan se janë një faktor i rëndësishëm.
“Vota finale e marrëveshjes se Prespës ne Parlamentin e Maqedonise është demostrim i qartë i aftësisë politike për të zhbllokuar rrugën drejt NATO-s dhe BE. Kontributi i faktorit politik shqiptar provoi sërish që është faktor vendimtar. Urime!”- shkruan Bushati.
