Kreu i PD-së Lulzim Basha thotë se Edi Rama me policinë e shtetit dhe atë private se po përpiqet që të pushtojë hapësirën universitare.
Duke folur sot në një aktivitet me temë për median e lirë, kreu i opozitës u ndal te protesta e studentëve, duke denoncuar se me anë të policisë Edi Rama ndërhyri te Fakulteti i Drejtësisë dhe te Ekonomiku.
Ai shtoi se janë shumë pak hapësirat që kanë mbetur pa pushtuar në vend, nga shteti privat i Edi Ramës.
“Kjo është një shkelje e ligjit, që ndalon praninë e policisë në universitetet publike. Është një shkelje flagrante e lirisë për të protestuar. Rama po përdor dhunë policore, por edhe private se policia e Safet Gjicit nuk ka asnjë dallim nga ajo e shtetit, pasi sot është kthyer shtet privat i Edi Ramës.
Dënoj dhunën dhe i paralajmëroj të gjithë nga polici më i thjeshtë, te drejtori i policisë, ministri Lleshaj dhe vetë Edi Ramën për pasojat që do të ketë pushtimi i hapësirës universitare”, u shpreh Basha.
