AKTUALITET

ALO 116: 220 vajza, pre e ngacmimit apo abuzimit. Rreth 1100 fëmijë të prekur nga dhuna, bulizmi e shfrytëzimi

14:55 - 12.01.19 Gazeta Shqiptare
GSH APP Download on Apple Store Get it on Google Play

Përgjatë vitit 2018, rreth 1100 fëmijë e adoleshentë kanë denoncuar dhunën, bulizmin, si dhe shfrytëzimin për përfitime ekonomike. Ndërkohë, rreth 220 vajza të moshës 13-15 vjeç kanë raportuar se kanë rënë pre e ngacmimit apo abuzimit seksual, madje edhe në shkolla. Shifrat u bënë publike gjatë aktivitetit të 10-vjetorit të Linjës Kombëtare të Këshillimit për Fëmijë, ALO 116.




Drejtori i kësaj platforme, Mirgit Vataj tregon se të miturit i janë drejtuar ALO 116 për të kërkuar ndihmë edhe për dhunën e ushtruar nga institucionet arsimore. Gjatë aktivitetit janë prezantuar edhe raste konkrete të fëmijëve që kanë rënë pre e kërcënimeve apo janë detyruar të lypin nga vetë prindërit e tyre.

Linja Kombëtare e Këshillimit për Fëmijë përgjatë 10 viteve të veprimtarisë së saj ka arritur të trajtojë mbi 17 mijë raste të formave të ndryshme të abuzimit me të miturit e moshës 6-18 vjeç. Raporti tregon se gjatë 2017 në 42% të rasteve fëmijët janë dhunuar nga mësuesit, ndërsa 2018 ka shënuar 120 raste dhune në shkollë, 51 raste dhune në familje dhe 29 në shoqëri./ vo.du.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.