Breshëri kallashnikovi janë qëlluar drejt një lokali në Fier. Ngjarja ka ndodhur mbrëmjen e së dielës rreth orës 23:30, ndërsa pronari i lokalit ka njoftuar policinë mëngjesin e sotëm.
Lokali ku u dëgjuan të shtënat ndodhet në lagjen “Kastrioti”, përballë Drejtorisë Rajonale të Tatim Taksave.
Ndërkohë, mësohet se nga plumbat janë thyer xhamat e lokalit, nërsa nuk raportohet për persona të lënduar. Policia e mbërritur në vendngjarje po punon për të zbuluar motivet e ngjarjes si dhe për identifikimin e autorëve.
Njoftimi i policisë
Sot rreth orës 08:00, në lagjen “Kastriot”, pronari i një Bar-Kafeje, ka konstatuar xhamin e lokalit dhe një televizor të thyer.
Nga hetimet paraprake dyshohet se mund të jetë qëlluar me armë zjarri gjatë natës.
Grupi hetimor po punon për zbardhjen e plotë të ngjarjes.
